المؤلف عمرو محمود ياسين..يوضح سبب إختيار نهاية الإنتحار ليوسف أبو العزم

أوضح المؤلف عمرو محمود ياسين سبب اختياره نهاية الإنتحار ليوسف عبر صفحته قائلا: فى أكثر من سبب خلونى أشوف أن إنهاء يوسف لحياته نهاية منطقية.
أولا يوسف نشأ فى بيت فى سيطرة أبويه شديدة ودايما كان بيحاول يثبت أنه جدير بثقة العيلة هو مش مجرد شخص خان مراته ده شخص حط نفسه فى موقف انه هينقذ الشركة والأسرة بزواج سرى من رقية قرار خطير حاول باين فيه ان هو بيعمل شىء فيه تضحية .
لكن فى النهاية خسر زوجته ليل وخسر صورة البطل قدام نفسه وأهله وظهر كتابع لرقية بلا أى قدرة على إتخاذ القرارات بنفسه، فقط منفذ لاوامرها وده أدى إلى حالة نفسية وهى انهيار الأنا المثالية ودى تحصل لما الشخص يحس أنه فشل فى كونه نفسه .
ثانى سبب خلانى اشوف انه ينتحر هو احساسه بالعار..الذنب ممكن يخلى الشخص يعتذر أو يحاول يصحح ،لكن العار بيخلى الشخص عايز يختفي!
يوسف اتفضح بقى فى جريمة قتل بقى فيه خيانة أسرية بقى فى خداع فى بيزنس بقى فى جريمة تهريب تم كشفها..بالإضافة لخسارته لاحترام الجميع حتى ولاده لما يكبروا فالعار هنا بيبقى مدمر أكثر من الذنب وده دافع قوى للانتحار.