الموجز اليوم
الموجز اليوم
طربيات التراث فى الجمهورية الشحات مبروك..ينضم إلى ” 180” ومفاجأة جديدة فى مسلسل عمرو يوسف وميرنا نور الدين وأمير المصري الأعلى للإعلام يقرر منع ظهور الكاتب الصحفي عبد الحليم قنديل ..على جميع الوسائل الإعلامية لأجل غير مسمى وإحالتة لنقابة الصحفيين محمود سرور..يعلن تقديم كورسات لتعليم العزف على الكمان باحترافية فى الرياض أكاديمية الشروق تطلق النسخة الثانية من يوم الإلكترونيات الصناعية لاستشراف مستقبل الشبكات الذكية حتى 2035 المسلماني..فى منتدى مسقط: فى العالم 65 صراعا وأكثر من 4000 مجموعة دينية ووسائل تواصل بلا ميثاق شرف..والحوار هو الحل عبد الرحمن رشدي..يطلق أغنية رومانسية بعنوان ” أغلى منك ” متحدثون فى ندوة ” بين شاشات الهاتف وواقع الحياة”: مواجهة العنف الرقمى تتطلب وعى الأسرة والمجتمع والمؤسسات ثلاثى ” بير فكتريو” الإيطالي فى معهد الموسيقى العربية إنطلاق النسخة الثالثة لمهرجان الجامعة البريطانية لأفلام الطلبة 15 ديسمبر المقبل بإسم المخرج الراحل محمد خان مصطفى صلاح يكتب: حسين عثمان يفتح نافذة جديدة لدار ريشة ..وفجر السعيد على خريطة التعاون الثقافي الكاتب الصحفي هشام الشريف..يهنئ مصطفى مطراوي وروان وليد بالزفاف السعيد

ياسمينا العبد تكشف كواليس مسلسل ”ميد تيرم ”: يناقش كل حاجة بصدق وواقعية

ياسمينا العبد
ياسمينا العبد

أعربت الفنانة الشاية ياسمينا العبد عن سعادتها بردود الفعل على مسلسل ميد تيرم، الذي يُعرض حاليًا على شاشة ON ومنصة منصة WATCH IT.
وقالت ياسمينا العبد في مداخلة هاتفية ببرنامج كلمة أخيرة عبر قناة ON تقديم الإعلامي أحمد سالم: “سعيدة بتجربة مسلسل ميد تيرم، فكرة مريم الباجوري عاملة شغل عظمة، وكتابة محمد صادق، وإنتاج المتحدة، تركيبة وكاست خطير".

وأضافت ياسمينا العبد: "كان مهم إننا نقدم عمل شبابي وطالع من شباب فعلًا لأن إحنا كلنا شباب، وبنقاش الحاجات اللي بتحصل لنا، وبناقش قضايا مهمة جدا، وبنشوف إزاي البيت ممكن يؤثر على تصرفات المراهق أو الطفل، وبنحاول يكون فيه صدق وواقعية في كل المشاهد، ومبسوطة بالتجربة وبرد الفعل، وبقول لكم إنتم لحد دلوقتي لسه ما شفتوش حاجة”.

وأضافت ياسمينا العبد بشأن نسبة الواقعية، قالت:"كل حاجة واقعية جدًا، وده إحنا شايفينه من خلال الجمهور اللي بيبعت لنا وبنشوف رد فعل الناس واحنا بنصور، وكل الكومنتات اللي بتيجي لينا إحنا ككاست كامل، بيقولوا لينا أنا شايفة نفسي في الشخصية دي".

وبسؤالها عن أكثر شخصية تشبهها في المسلسل قالت:"أنا ميكس من كل حاجة، وحقيقي قادرة اتعاطف معاهم كلهم بأشكال مختلفة".
وبسؤالها عن إذا كانت تخوفت من أن المسلسل لا يناقش مشكلات الشباب الحقيقية، قالت: “بالعكس إحنا بنقدم حاجة مقتنعين بيها مليون في المية، وبنقدم حاجة مهمة وتلمس كل الأجيال مش بس الجيل بتاعنا، والأهالي يتعلموا والمراهقين، والمسلسل بيمس كل جيل وبيتشاف في أي بيت، وحاجة مهمة إننا نقدم شخصيات مختلفة من طبقات مختلفة وتفكير مختلف”.

وعن إمكانية تقديمها دور فتاة شعبية، قالت: “أحب جدًا، وعملت حاجات قريبة منه قبل كده، زي شخصية شيماء في مسلسل موضوع عائلي الجزء الثالث، وكانت مختلفة عليا، وأكيد أهم حاجة بالنسبة لي الورق والمخرج، وإن يكون الدور تحدي حقيقي لي”

وعن الدور الذي تحلم بتقديمه، أجابت: “كان نفسي أعمل مسلسل ميد تيرم من زمان وكان نفسي أقدم عمل بيتكلم عن المرض النفسي بعمق وبيتكلم عن المشاكل اللي في سن الشباب، وأكيد اللي ربنا كاتبه خير”.