سخرية عبر المنصات..هو السمك غير نظامه الغذائي وبقى ياكل كرواسون!

انتشرت على مواقع التواصل الإجتماعي فيسبوك مؤخرا حالة من السخرية على السمك البلطى المعروف "باكل الغلابة" بعد زيادة أسعاره الجنونية دون مبرر رغم وجود مزارع سمكية.

حيث تم تداول هذا البوست على المنصات.

"يعنى دى اسمها سمكة بلطي حلو كدا يافندم ..
سمكة غلبانه عايشة فى النيل ملهاش أى طلبات ومطامع غذائية ..بتاكل من خشاش النيل .. ليه يا فندم كيلو البلطي الوسط ب 85_90 جنيه ..ليه بجد والله؟ ..
هل السمكة غيرت نظامها الغذائي وبقت بتاكل جاتوه وكرواسون مثلا!..
هل غيرت محل سكنها وراحت كومباوند فى الساحل الشمالى؟!
ماهو عاوز أعرف بجد وخصوصا إحنا فى موسم صيد سمك عادى ... وماتقوليش مزارع الله يكرمك أنا بتكلم على السمك اللى كل شويه يتقال أنه نيلى ... عاوز افهم هو غير نمط الغذاء وبقى ياكل جمبرى ولا إيه بس علشان نفهم! "