إسلام إبراهيم يشيد بمسرحية ”تشارلي شابلن”: فن حقيقي مشرف
أشاد الفنان إسلام إبراهيم بمسرحية "تشارلي شابلن" للنجم محمد فهيم التي تعرض حاليآ.
ونشر "إسلام" عددًا من الصور له بصحبة أبطال المسرحية عبر حسابه الشخصي على موقع التواصل الاجتماعي فيس بوك.
وعلق على الصور قائلًا: "امبارح حضرت عرض شارلي شابلن والحقيقية مش عارف اقول ايه بس هتكلم عن احساسي وانا خارج من العرض كنت فخور أوي إن عندنا مسرح خاص بيقدم النوع ده من العروض تجربة بصرية وسمعية قمة المتعة فخور أن عندنا فنانين في كل المجالات قدروا يطلعوا عرض بالدقة والجودة دي من تمثيل لغناء لاستعراض لالحان لاضاءة لهندسة صوت لملابس لديكور لادارة ممثلين وده طبعا تحت قيادة مخرج عظيم وموهوب ومبهر ومثقف زي استاذ أحمد البوهي بمجرد ما توفرتله الامكانيات قدر يستغلها أحسن استغلال".
وأضاف: "واللي زود فرحتي أن الصالة ما شاء الله كومبليت فمحدش يقول الجمهور عايز كده الجمهور عايز فن حقيقي، جرأة كبيرة من الشركة المنتجة تستحق الاحترام والتقدير لناس عايزين يقدموا فن حقيقي مشرف".
وتابع: "محمد فهيم مش هقدر اقول حاجة عنه غير أن محدش يقدر يعمل الدور غيره مفيش بديل في مصر موجود يقدر يقدم الدور بنفس الجودة وخصوصا الاداء الحركي والاستعراضي لشارلي شابلن، نور قدري مشروع فنانة شاملة مكتمل العناصر تمثيل غناء استعراض كوميدي تراجيدي صوت رائع واحساس يخطفك كل حاجة تلاقي يا فندم".
واستكمل: "داليا الجندي حضور طاغي ومبهر واداء مثقف، عماد اسماعيل كالعادة المسرح ملعبه وشهادتي فيه مجروحة، دكتور أيمن الشيوي هو فعلا استاذ تمثيل ريم العدل كالعادة مبهرة ودقيقة وبطلة رئيسية في اي عمل بتدخله اي عمل عليه اسم ريم العدل لازم تنبهر.. دكتور مدحت العدل ارجوك متبطلش كتابة أو بمعني اصح متبطلش تعملنا مشاريع قيمة زي دي".
واختتم قائلًا: "باتريك انت فنان حقيقي ومسرحجي مهم عرض زي ده في توقيت زي ده ليه معاني كتير أوي جميلة ونبيلة انا فرحان اوي".
