حسن مصطفى: مشاركة عبد المجيد وإمام عاشور ..فى التشكيل الأساسي أمام” زيمبابوي” قرار خاطئ
تحدث حسن مصطفى نجم الكرة المصرية السابق، عن فوز منتخب مصر أمام زيمبابوي في كأس أمم أفريقيا.
وقال مصطفى في تصريحات مع سهام صالح لو كنا استغلينا الفرص اللي جتلنا في بداية الماتش كنا روحنا في حتة تانية، والإيجابية الوحيدة في الماتش ده هو أننا كسبنا وأخدنا ٣ نقاط".
أضاف: "حسام عبدالمجيد وإمام عاشور عندي تحفظ على أنهم بدأوا أساسي وده خطأ من حسام حسن، حسام عبدالمجيد أه كويس بس إنت مدتلوش في ماتشات التصفيات والودية.. إزاي تديهم في ماتش رسمي زي ده، الهدف اللي تلقناه كان سبب كبير من حسام عبدالمجيد مناصفة مع ياسر وهاني".
واصل: "من أحسن مواسم حسام عبدالمجيد الموسم ده وطول التصفيات راكنه إزاي تديله.. كان لازم نبدأ بزيزو أساسي هو ومصطفى محمد وهنا حسام حسن أخطأ برضه، مصطفى محمد هو اللي أحيا هدف الفوز لمحمد صلاح وهنا أهميته".
وقال مصطفى في تصريحاته ان حسام حسن بعت رسالة لتركي ال الشيخ عندما كان مدربا لفريق بيراميدز وقاله مش اي حد يلاعب لاعب غصب عنه وعشان كده مشينًا من تدريب بيراميدز.
أضاف: محدش يقدر يمشي حسام حسن من بيراميدز، ولكن حوار حسام وتركي ال الشيخ وبسبب كده مشينا وليس بسبب تآمر بعض اللاعبين.
تابع: أحمد الشناوي مش هيلعب طول ماحسام حسن في المنتخب واي واحد يتمنى يكون في حهاز منتخب مصر لكن مش زعلان أني مش موجود، والشناوي عمل موقف وحش في إحدى مباريات الزمالك عشان كده في أزمة وكان بيتلكك.
