مسلم..يطرح أحدث أغنياته ” سحابة صيف” من ألبومه الجديد ”وحشانى”

طرح نجم الغناء، المطرب مسلم، على اليوتيوب، وجميع المنصات الرقمية، ومحطات الراديو، أغنيته الجديدة "سحابة صيف" بطريقة الـ AI Music Visualizer "، وهي أولى أغنيات ألبومه الجديد الذى يحمل عنوان "وحشاني"، ويضم 10 أغنيات متنوعة، بها أنماط وأشكال موسيقية مختلفة.
أغنية "سحابة صيف"، كلمات، محمود عادل، وألحان كريم نيازي، وتوزيع موسيقى، وميكس وماستر إسلام الأزرق، وهى من توزيع شركة "ديجيتال ساوند".
يقدم مسلم فى أغنية "سحابة صيف" الطابع الدرامى، ويتناول من خلالها فكرة صراع الانسان مع اختياراته، الغير موفقه سواء كانت من أصدقاء أو أحباب.. تقول كلمات أغنية "سحابة صيف":..

انا و قلبي اللي مش لايقين
على ناس كلها خاينين
بقينا في حيره و استغراب
و بندور على الاحباب
ف وسط مصالح الدنيا
مانلقاش حد

انا و قلبي حاولنا كتير
نلاقي حد جواه خير
ماشوفناش غير وجع و عذاب
بتظلم فينا ليه يا غياب
و ليه مستكتر ان احنا نحب بجد

انا وقلبي نصيبنا نخاف
همومنا تهد اي كتاف
يادوب الحظ لو يتشاف
بيبقى يادوب سحابه صيف
زعلنا عدا اي حدود
و ضاع الوقت و المجهود
و مالناش ف الفرح دا وجود
انا كنت ف حياتهم ضيف

انا و قلبي اللي شيلنا هموم
محدش خاف علينا ف يوم
بنتقابل ف وقت فراق
محدش فينا قام او فاق
و وقت م نعدل الكفه
لغيرنا تميل

انا و قلبي حاولنا نعيش
نتيجه كل حاجه مفيش
جرينا كتير ف الف سباق
و قضينا الحياه في خناق
و دلوقتي بنتأسف على التأخير.